Şoyqunun Tehran səfərində vacib nüans | Putin İrana hansı mesajı göndərdi?

Rusiya Prezidenti Vladimir Putin İranın ali lideri Ayətullah Əli Xameneidən HAMAS-ın siyasi lideri İsmayıl Haniyənin ölümünə cavab olaraq İsrailə qarşı təmkinli davranmağı istəyib və mülki İsrail vətəndaşlarına qarşı hücumlara başlamamağı tövsiyə edib.

Bu barədə “Reuters” iki yüksək səviyyəli İran mənbəsinə istinadən yazıb.

Mənbələrin bildirdiyinə görə, bu mesajı bazar ertəsi Rusiya Federasiyası Təhlükəsizlik Şurasının katibi Sergey Şoyqu İranın yüksək səviyyəli rəsmiləri ilə görüşlərində çatdırıb.

Adları açıqlanmayan yüksək səviyyəli rəsmilər Rusiya istehsalı olan Su-35 qırıcı təyyarələrinin çatdırılması üçün Tehranın Moskvaya təzyiq göstərdiyini də bildirib.