Pleyeri seçin:
Ukrayna İsveçdən qırıcı təyyarələr alacaq
“Rusiya müharibədə 1 milyon 300 min nəfər itki verib”.
Bunu Ukrayna Prezidenti Volodimir Zelenski İsveçin Baş naziri Ulf Kristersonla birgə mətbuat konfransında deyib.
Onun sözlərinə görə, Rusiya ABŞ və Avropada təbliğat aparır, elə təəssürat yaratmağa çalışır ki, guya müharibəni udur.
V.Zelenski bildirib ki, Kiyev Moskva ilə danışıqlara hazırdır, lakin bunun üçün öz ərazilərini tərk etmək niyyətində deyil.
Ukrayna Prezidenti İsveçdən alınacaq qırıcı təyyarələr mövzusuna da toxunub. O vurğulayıb ki, ilkin olaraq 100-150 ədəd "Jas 39 Gripen E" qırıcısının tədarükü planlaşdırılır.
"Bunlar əla təyyarələrdir, geniş spektrli tapşırıqların yerinə yetirilməsinə imkan verən güclü aviasiya maşınlarıdır. Hər kəs başa düşür ki, bunlar hansı təhdidlərdən qorunmağa kömək edəcək. Ümid edirik ki, gələcək müqavilə bizə ən azı 100 belə təyyarə əldə etməyə imkan verəcək", – deyə o bildirib.
Kopyalandı
