Ukrayna-Rusiya müharibəsi Moskvaya çatdı, binalara ziyan dəydi
Yeniliklərdən dərhal xəbərdar olun
Rusiyanın paytaxtı Moskva şəhərinin meri Sergey Sobyanin özünün teleqram kanalında dronların şəhərə hücum etdiyini bildirib.
Mer uçan pilotsuz təyyarələrin hücumu nəticəsində şəhərdə itki olmadığını qeyd edib. Məlumata görə, mayın 30-da səhər saatlarında PUA-nın hücumu nəticəsində bir neçə binaya cüzi ziyan dəyib.
"Hazırda heç kim ciddi xəsarət almayıb", – deyən S.Sobyanin əlavə edib ki, şəhərin bütün fövqəladə hallar xidmətləri ərazidədir və hadisənin başvermə şəraiti müəyyənləşdirilir. O həmçinin yalnız rəsmi mənbələrə istinad etməyə çağırıb.
Bundan əvvəl hadisə şahidləri Moskvanın Novomoskovsk rayonunda yaşayış binasında partlayışın baş verdiyini bildiriblər. Daha sonra Rusiya Fövqəladə Hallar Nazirliyindən bildirilib ki, hadisə Atlasova küçəsi, ev 11-də baş verib. FHN yaşayış binasında partlayışa pilotsuz təyyarənin səbəb ola biləcəyini ehtimal edib.
Bundan əlavə, Leninski prospektindəki binanın xüsusi təyinatlılar tərəfindən mühasirəyə alındığı, istehkamçıların ərazidə işlədiyi bildirilib.
#Rusiya-Ukrayna müharibəsi teqi istifadə olunub
- Ukraynanın gələcəyi və müharibənin taleyi ilə bağlı təmaslar intensivləşir - Baku TV CANLI
- Qlobal təhlükəsizlik ön planda | Görüşün dünya nizamına təsiri nə olacaq? - Baku TV
- Tərəflər bu görüşdən istədiklərini ala bildilərmi?
- Üçtərəfli zirvədə Ukrayna məsələsi | Müharibə necə bitəcək? - Baku TV CANLI
- Krım körpüsü niyə məhz Putin, Tramp və Si Cinpinin görüşü ərəfəsində vuruldu? - Baku TV
