"Ukraynadakı böhranı bir gecədə həll etmək mümkün deyil" | Peskov

27 oktyabr 2025 120 baxış

“Donald Trampın səmimi olaraq bütün qlobal münaqişələri həll etmək istəyi müsbət hisslər doğurur. Lakin Ukraynadakı böhranı bir gecədə həll etmək mümkün deyil”.

Belə bir açıqlama ilə Rusiya Prezidentinin mətbuat katibi Dmitri Peskov çıxış edib.

Onun sözlərinə görə, Ağ Ev rəhbəri Donald Trampın bütün kəskin böhranları həll etmək istəyinə baxmayaraq, dərin köklü səbəbləri olan Ukrayna münaqişəsi tez bir zamanda həll etmək üçün həddindən artıq mürəkkəbdir.

ABŞ-nin “Lukoil” və “Rosneft” şirkətlərinə qarşı tətbiq edilən sanksiyaları şərh edən Peskov onları Rusiyaya qarşı qeyri-dost addım adlandırıb.

O vurğulayıb ki, Moskva ABŞ də daxil olmaqla bütün ölkələrlə mehriban münasibətlər qurmağa çalışır, lakin yeni sanksiyalar ikitərəfli əlaqələrin bərpası perspektivlərinə xələl gətirir.

O, sonda Kiyevin Rusiyanın dərinliklərinə zərbə endirmək istəyinə də münasibət bildirib. Dmitri Peskov qeyd edib ki, Moskva onların bu cəhdlərinə sərt cavab verəcək.

#Rusiya-Ukrayna müharibəsi