Ukraynaya qoşun yeridən Makrona qarşı etiraz | NATO bayrağını cırdılar

Fransanın paytaxtı Parisdə ölkə Prezidenti Emmanuel Makrona qarşı etiraz aksiyaları başlayıb.

Nümayişlərin əsas səbəbi Fransa liderinin ölkə hərbçilərinin Ukraynaya döyüşə göndərilmələrinin mümkünlüyünə dair açıqlaması olub.

Aksiya iştirakçıları "Makron, özün Ukraynaya get, orada vuruş", "Bizim Ukrayna üçün ölmək niyyətimiz yoxdur, Kiyevə silah yardımını dayandırmaq lazımdır!” kimi şüarları səsləndiriblər.

Bundan əlavə, onlar NATO və Avropa ittifaqının bayraqlarını cırıblar. Hadisənin görüntüləri sosial şəbəkələrdə yayılıb.