Pleyeri seçin:
Vensin İslamabada səfəri ilə bağlı çoxsaylı dəyişiklik | Trampın açıqlaması - Baku TV
ABŞ-nin vitse-prezidenti Cey Di Vensin İranla növbəti sülh danışıqları üçün İslamabad şəhərinə gedib-getməyəcəyi ilə bağlı ziddiyyətli xəbərlər yayılıb.
"The Guardian"nın məlumatına görə, ABŞ administrasiyası bir saat ərzində üç dəfə mövqeyini dəyişib.
Belə ki, ABŞ-nin BMT-dəki səfiri Mayk Uolts "ABC News"a bildirib ki, vitse-prezident bazar ertəsi İslamabada çatacaq Amerika nümayəndə heyətinə rəhbərlik edəcək.
Daha sonra ABŞ Prezidenti Donald Tramp "ABC News"a açıqlamasında deyib ki, təhlükəsizlik səbəblərinə görə Vens səfərə getməyəcək: "Bu, Mühafizə Xidmətinin hazırlığı üçün çox qısa müddət idi".
Lakin bundan sonra Ağ Evdən CNN-ə bildirilib ki, Vens səfərə gedəcək. "Şərtlər dəyişdi", – deyə rəsmi şəxs qeyd edib.
Bildirilib ki, Vens əslində ABŞ Prezidentinin xüsusi nümayəndəsi Stiv Uitkoff və Donald Trampın kürəkəni, keçmiş baş müşaviri Cared Kuşnerin daxil olduğu nümayəndə heyətinə rəhbərlik edəcək.
Kopyalandı
#Cey Di Vens teqi istifadə olunub
Seçilmişlər
