Zelenski mətbuat konfransında jurnalistlərin suallarını cavabladı

"Putinin 2030-cu ilə qədər planları var. O, özünü 2030-cu ilə qədər bu mövqedə görür. Amma biz onu erkən bitirmək istəyirik".

Baku TV-nin Şərqi Avropa bürosunun məlumatına görə, bunu Kiyevdə keçirilən forum çərçivəsində Ukrayna Prezidenti Volodimir Zelenski jurnalistlərin suallarını cavablandırarkən deyib.

"Biz onun bu müharibəni uduzması və bunun səhv olması ilə razılaşa biləcəyi platforma təklif edəcəyik. Ukrayna bu müharibədə uduzmayacaq, bizim başqa alternativimiz yoxdur. İtirsək, biz olmayacağıq, varlığımız olmayacaq. Məğlub olub-olmamağımız tərəfdaşlarımızın dəstəyindən asılıdır", – deyə o əlavə edib. Zelenski bildirib ki, müharibə müddətində 31 min ukraynalı hərbçi həlak olub. Rusiya isə 180 min hərbçisini itirib.