Astarada müəllim dərsdə can verdi | SON GÖRÜNTÜLƏRİ

Astaranın Artupa kənd məktəbinin tarix müəllimi, 65 yaşlı Baloğlan Əliyev dərs zamanı dünyasını dəyişib.

Mərhumun həmkarları Baku TV-yə hadisənin təfərrüatını danışıb.

“Sinifdə idik, uşaqların səsini eşitdik. Hamımız yuxarı qalxanda gördük ki, Baloğlan müəllimin halı pisdir. Yarı uzanmış şəkildə idi. Sonradan vəziyyəti daha da pisləşdi. Elə bil bir şam idi, söndü”, – müəllim Səkinə Əzimova deyib.

Baloğlan Əliyev əvvəllər həmin məktəbdə 25 il direktor vəzifəsində çalışıb.

Qeyd edək ki, Lənkəran-Astara Regional Təhsil İdarəsinin Astara rayon üzrə təhsil sektorunun metodisti olan Baloğlan Əliyev bu ilin yanvar ayında 65 yaşını qeyd edib. O, təqaüdə çıxmağa hazırlaşırdı.