Gəncədə ev yandı, 1 nəfər həlak oldu | Araşdırma aparılır

Gəncədə ölümlə nəticələnən yanğın baş verib.

Hadisə şəhərin Bursa küçəsi 76 ünvanında qeydə alınıb. Əraziyə yanğınsöndürənlər cəlb olunub.

İlkin məlumata görə, 190 kvadratmetr olan yaşayış evinin 1-ci mərtəbəsində ev əşyaları yanıb. Hadisə yerinin kəşfiyyatı zamanı evdən 58 yaşlı Kamil Quliyevin meyiti tapılıb. Əraziyə polis və təcili tibbi yardım briqadaları cəlb olunub.

Qonşuların verdiyi məlumata görə, mərhum evdə tək yaşayırmış və son günlər səhhəti ilə bağlı problemləri var imiş.

Faktla bağlı araşdırma aparılır.