“Neftçi” klubunda növbəti ayrılıq yaşanıb

“Neftçi” klubu yarımmüdafiəçi Fərid Yusifli ilə yollarını ayırıb.

Bu barədə “ağ-qaralar”ın rəsmi sosial media hesablarında məlumat verilib. Fəridə təşəkkür edən paytaxt təmsilçisi ona gələcək karyerasında uğurlar arzulayıb.

Qeyd edək ki, 2020-ci ildən “Neftçi”nin əsas heyətinə cəlb olunan F.Yusifli bu müddət ərzində 38 görüşdə iştirak edib. Artıq 22 yaşlı yarımmüdafiəçinin karyerasını harada davam etdirəcəyi də məlumdur. Gənc futbolçu ötən mövsüm icarə əsasında top qovduğu “Turan Tovuz”la 3 illik müqavilə imzalayıb.