Portuqaliyalı ulduz Kriştiano Ronaldo Özbəkistana salam göndərib

“Əl-Nəsr”in üzvü, Kriştiano Ronaldonun komanda yoldaşı Cəlaləddin Maşaripovun instaqram hesabında paylaşdığı video sosial şəbəkə izləyiciləri tərəfindən böyük maraqla qarşılanıb. Görüntüdə 37 yaşlı hücumçu Özbəkistana salam göndərib.

Qeyd edək ki, Maşaripov instaqramda Ronaldo ilə məşq prosesindən də şəkillərini paylaşıb. Səmimi ab-havanın hiss olunduğu fotolarda “Əl-Nəsr”in daha bir oyunçusu, qapıçı David Ospina da yer alıb. Xatırladaq ki, Kriştiano ötən ilin sonunda “Əl-Nəsr”ə qoşulub. Səudiyyə Ərəbistanı təmsilçisi ilə 2025-ci ilədək müqavilə imzalayan oyunçunun illik məvacibi 75 milyon dollar olacaq. Lakin sponsor gəlirləri ilə birlikdə bu məbləğin 200 milyon dollar təşkil edəcəyi bildirilir.