Siyasət
Pleyeri seçin:
Azərbaycan Ordusu bu ölkələrin orduları ilə birgə təlim keçəcək
Azərbaycan, Qazaxıstan, Qırğızıstan, Tacikistan və Özbəkistan müdafiə nazirlikləri arasında imzalanan birgə plana əsasən, Qazaxıstanın Aktau şəhərində “Birləşdik-2024” əməliyyat-taktiki komanda-qərargah təliminin planlaşdırma konfransı keçirilib.
Bu barədə Müdafiə Nazirliyindən məlumat verilib.
Qeyd edilib ki, Azərbaycan nümayəndə heyətinin də iştirak etdiyi konfransda təlimə hazırlıq və icra olunacaq tapşırıqlarla bağlı bir sıra məsələlər müzakirə olunub.
Qeyd edək ki, cari ilin iyul ayında Qazaxıstan Respublikasının “Oymaşa” təlim poliqonu, eləcə də Xəzər dənizinin akvatoriyasında yerləşən Tokmak Burnunda keçiriləcək təlimdə “Silahlı münaqişələrin yerinin müəyyən edilməsi istiqamətində təlim-döyüş tapşırıqlarının icrası” üzrə fəaliyyətlər yerinə yetiriləcək.
Kopyalandı
Seçilmişlər
