Bəxtiyar Həsənov nəyə görə ittiham olunur? | Diaspor rəhbərinə qarşı qalmaqallı addım

Rusiya paytaxtında fəaliyyət göstərən Azərbaycan diasporunun rəhbərlərindən biri ətrafında qalmaqal böyüyür. Baku TV-nin verdiyi məlumata görə, Moskva Azərbaycanlılarının Milli Mədəni Muxtariyyətinin sədri Bəxtiyar Həsənovun Rusiya Federasiyası vətəndaşlığı rəsmi olaraq ləğv edilib. Rusiya hüquq-mühafizə orqanlarına yaxın mənbələrin iddiasına əsasən, diaspor rəhbəri qeyri-qanuni miqrasiyanı ört-basdır etmək, saxta məhsulların dövriyyəsi (kontrafakt) və etnik zəmində münaqişələrə zəmin yaradan kölgə sxemlərində iştirakda ittiham olunur. 2000-ci illərdə Rusiya pasportu alan Həsənovun vətəndaşlıqdan çıxarılması, onun dövlət şuralarında tutduğu vəzifələri də itirməsi ilə nəticələnib. Maraqlıdır ki, bu hadisə Həsənovun bu yaxınlarda Moskvada keçirilən tədbirdə Şuşadan gətirilmiş rəmzi hədiyyəni təqdim etməsindən sonraya təsadüf edir. Diaspor rəhbərinə qarşı atılan bu kəskin addımın pərdəarxası və bunun Rusiya-Azərbaycan münasibətlərinə mümkün təsirləri Baku TV-nin süjetində.