Erməni müxalifətçidən Azərbaycan Ordusu ilə bağlı iddia

"44 günlük müharibədən sonra azərbaycanlılar öz mövqelərini Qafan hava limanından 100 metr aralıda yerləşdirəndə bunun belə olacağı göz qabağında idi".

Erməni mediası xəbər verir ki, bu barədə Ermənistan parlamentində müxalifət yönümlü “Şərəf duyuram” fraksiyasının katibi Tiqran Abramyan öz “Facebook” səhifəsində yazıb.

Revanşist siyasətçi heç bir əsas olmadan Qafan hava limanına açılan atəşin Azərbaycan tərəfindən gəldiyini iddia edib. Daha sonra T.Abramyan əsl niyyət və istəyini büruzə verir.

“Hava limanı yalnız o halda təhlükəsiz işlədilə bilər ki, ya azərbaycanlılar öz mövqelərindən geri çəkilməyə məcbur edilsinlər, ya da Ermənistanda hakimiyyət dəyişsin. Yeri gəlmişkən, bu, həm də şəxsən N.Paşinyanın üzünə sillə və aşağılama idi. Bununla azərbaycanlılar həm Ermənistan hakimiyyətinə öz yerini göstərdilər, həm də ona xəbərdarlıq etdilər”, – deyərək T.Abramyan öz fikrini tamamlayıb.