Ermənistanda elan olunmayan səfərbərliyin pərdə arxası

Ermənistanda fəal şəkildə Azərbaycana qarşı təxribata hazırlaşırlar.

Sosial şəbəkələrin erməni seqmentində yayılan videogörüntülər bunu deməyə əsas verir. Yayılan videolardan aydın olur ki, erməni hərbçilər təcili şəkildə Azərbaycanla şərti sərhədə doğru yola salınırlar.

Qeyd edək ki, Ermənistanda səfərbərlik haqqında bir neçə gün öncədən məlumatlar yayılıb. Belə ki, sosial şəbəkələrdə ehtiyatda olan hərbçilərin təcili şəkildə orduya çağırıldığını, hərbi hissələrə yola salındığını, hərbi texnikanın hərəkətini əks etdirən görüntülər yayılıb.