Mixaylovdan Paşinyana şillə kimi cavab | Özlərini Ukrayna kimi aparırlarsa...

“Ermənistan hakimiyyəti öz xalqını uçuruma sürükləyir. Ermənistanda kifayət qədər insan mövcud vəziyyətdən narazıdır və hər ötən gün bu say artmaqdadır”.

Bunu Baku TV-yə açıqlamasında rusiyalı hərbi ekspert Yevgeni Mixaylov deyib.

O bildirib ki, baş verən hər hadisədə Rusiyanı günahlandırmaq Qərbin siyasi axarına düşən dövlətlərin çoxdankı adətidir:

“Çox keçməz, “kiməsə qarşı sui-qəsd hazırlanıb” tipli xəbərlərdə də ittiham olunan tərəfin Rusiya olduğunu görəcəyik. Nəzərə alsaq ki, Ermənistan faktiki olaraq Rusiyanın dəstəyi ilə öz müqəddəratını hələ də qoruya bilir, o zaman KTMT-nin varlığı bizə təhdiddir.

“Rusiya qüvvələri ölkəmizdə dövlət çevrilişi etmək istəyir” kimi bəyanatlar çox gülməli və qeyri-ciddi səslənir. Bu, naşükürlükdür. Bizim ölkə ilə ticari əlaqələrdən, iqtisadi birliklərimizdən gəlir əldə edən ölkə belə açıqlamalar verməklə özünü Ukrayna kimi aparır”.

“Bir məqama da diqqət çəkmək istəyirəm. Ermənistan KTMT-də niyə mövcud idi? Çünki ümidli idi ki, onun hər istəyi KTMT vasitəsilə reallaşdırılacaq. Amma Rusiya yaxşı başa düşür ki, Ermənistana görə heç bir ölkə ilə münasibətləri korlamağa dəyməz.

Əsassız istəklərinin reallaşmadığını görən Nikol Paşinyan Qərbə meyil edərək böyük qardaş dediyi ölkəyə arxasını çevirirsə buyursun. Zaman kimin haqlı, kimin haqsız olacağını göstərəcək. Ümid edirik ki, onda Ermənistan hakimiyyəti üçün çox gec olmayacaq”, – deyə hərbi ekspert qeyd edib.