"Yerkrapa" terrorçularını kim silahlandırır?

Azərbaycan-Ermənistan şərti sərhədində 5 aydan sonra atəşkəsin pozulması həm də tərəflər arasında yenicə cücərən etimad mühitinə vurulan zərbə idi.

Erməni mediası şərti sərhəddə təxribat törədənlərin Ermənistanın “Yerkrapa” terror təşkilatının üzvləri olduğunu iddia edir. Həmçinin hadisə zamanı məhv edilən ən yaşlı erməni hərbçinin 66 yaşında olması sərhəddəki təxribatı sözügedən terror təşkilatının törədə biləcəkləri ehtimalını qüvvətləndirir.

“Yerkrapa” terror təşkilatı Birinci Qarabağ müharibəsinin iştirakçıları tərəfindən 1993-cü ildə yaradılıb, Ermənistan Ordusunun ehtiyat hissəsi rolunu daşıyır. Təşkilat 2016-cı il Aprel döyüşləri, eləcə də İkinci Qarabağ müharibəsi zamanı cəbhə xəttinə minlərlə silahlı könüllü göndərib. Təşkilat üzvlərinin Qarabağdakı sepratçı rejimlə sıx əlaqələri olub.

Maraqlıdır, Nikol Paşinyan sərhəddəki təxribatda əli olmadığını iddia edirsə, o zaman sual yaranır ki, “Yerkrapa” terrorçularını kim silahlandırır? Azərbaycanla Ermənistan arasında yenidən atəşkəsin pozulmasında hansı qüvvələr maraqlıdır?