Sülhməramlıların yeni komandanı İrəvanda

Azərbaycanın Qarabağ bölgəsində müvəqqəti yerləşdirilən Rusiya sülhməramlı kontingentinin yeni komandanı general-polkovnik Aleksandr Lentsov aprelin 28-də İrəvanda Ermənistanın müdafiə naziri Suren Papikyanla görüşüb.

Bu barədə Ermənistanın Müdafiə Nazirliyindən bildirilib. Məlumata görə, tərəflər regiondakı mövcud vəziyyəti və üçtərəfli bəyanatların yerinə yetirilməsini müzakirə ediblər.

Görüşdə həmçinin sülhməramlıların fəaliyyətinin səmərəliliyinin artırılması və Laçın yolundakı vəziyyət haqqında danışılıb.

Qeyd edək ki, A.Lentsov aprelin 26-da bu vəzifəyə təyin olunub. O, general-mayor Andrey Volkovu əvəz edib.