1 günə hazırlanır, min bir dərdi sağaldır | Xurma bəkməzinin faydaları

Balakənin Katex kəndində xurma ağacı olmayan həyət demək olar ki, yoxdur. Xurmaçılıq kənd sakinlərinin həm məşğuliyyəti, həm də gəlir sahəsidir.

Katexlilər xurmadan min bir dərdin dərmanı hesab olunan bəkməz də hazırlayırlar.

Kənd sakini Həqiqət Məmmədova deyir ki, bəkməz üçün adətən ağacda qalan xurmalardan istifadə edirlər: “Çox güclü alovda xurmanın şirəsini çıxarmaq olmur, gərək ocaqda hazırlayasan. Bir yeşik xurmadan 800 qram bəkməz alınır”.

Qiymətə gəlincə isə xurma bəkməzinin bir litri bazarlarda 10-20 manat arası təklif olunur.

Qeyd edək ki, şəfa mənbəyi hesab olunan xurma bəkməzi beyinin və bədənin inkişafına yardımçı olur, quru öskürəyi kəsir, boğaz ağrısını aradan qaldırır. Bronxit və soyuqdəyməyə qarşı olduqca təsirlidir. Ürək və damar xəstəlikləri riskinə azaldıcı təsiri var. Mütəxəssislərin fikrinə görə, xurma bəkməzi bədəni xərçəngdən müdafiə edir.