ADU-ya yeni prorektor təyin olunub? | Universitetdən açıqlama

Sabiq baş nazir, professor Novruz Məmmədov Azərbaycan Dillər Universitetinin Elm və innovasiya məsələləri üzrə prorektoru vəzifəsindən azad edilib.

Novruz Məmmədov ötən ay işdən azad olunmaq üçün öz ərizəsi ilə universitetin rektoru Kamal Abdullaya müraciət edib.

Universitetin mətbuat katibi faktı təsdiqləyib. O bildirib ki, hələ sözügedən vəzifəyə yeni təyinat olmayıb.

Qeyd edək ki, Novruz Məmmədov uzun illər Prezident Administrasiyasında şöbə müdiri çalışıb. O, müstəqillik dövründə Azərbaycanın 10-cu Baş naziri olub. Həmçinin 2019-cu ildən Azərbaycan Dillər Universitetinin prorektoru idi.