AZAL Rusiyanın bu şəhərlərinə uçuşları təxirə saldı | Sərnişinlərin diqqətinə

“Azərbaycan Hava Yolları” aviaşirkəti dekabrın 28-dən Rusiyanın daha 3 şəhəri – Saratov, Nijni Novqorod və Vladiqafqaza uçuşları dayandırır.

Bundan əvvəl Hava Yolları şirkəti dekabrın 28-dən Bakıdan Rusiyanın 5 hava limanına reysləri dayandırdığını açıqlayıb.

Bu qərar aviaşirkətin Bakı-Qroznı reysini yerinə yetirən J2-8243 nömrəli “Embraer 190” təyyarəsinin dekabrın 25-də fiziki və texniki kənar müdaxilə nəticəsində qəzaya uğraması ilə bağlı aparılan araşdırmaların ilkin nəticələri və uçuşların təhlükəsizliyində yarana biləcək riskləri nəzərə alaraq yekun araşdırma başa çatana qədər Azərbaycan Dövlət Mülki Aviasiya Agentliyinin qərarına əsasən verilib.

Beləliklə, dekabrın 28-dən etibarən Bakıdan Rusiyanın bu hava limanlarına uçuşlar dayandırılır: Mineralnıye Vodı, Soçi, Volqoqrad, Ufa, Samara, Saratov, Nijni Novqorod, Vladiqafqaz.

Qeyd edək ki, dekabrın 25-də AZAL Bakıdan Qroznı və Mahaçqala şəhərlərinə uçuşların dayandırılması barədə qərar verib.