Cəmiyyət
Pleyeri seçin:
Növbəti köç karvanı Ağdamın Sarıcalı kəndinə çatdı
Ağdam rayonunun Sarıcalı kəndinə yola salınan növbəti köç karvanı kəndə çatıb.
Sakinlərə yeni mənzillərinin açarları təqdim edilib.
Bu mərhələdə kəndə daha 39 ailə, yəni 153 nəfər köçürülüb. Onlardan 22 ailə Bakıdan, digərləri isə müxtəlif rayonlardan olub. Beləliklə, bugünkü köç də nəzərə alınmaqla Sarıcalı kəndinə köçürülən ailələrin ümumi sayı 76-ya çatıb.
Qeyd edək ki, hazırda Qarabağda və Şərqi Zəngəzurda ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən ümumilikdə 40 minə yaxın insan yaşayır.
Kopyalandı
Seçilmişlər
