Ölümcül xəstəliyin dərmanı görün harada axtarılır | Ət yeyən heyvanlarda xərçəng xəstəliyi…

Arizona Universitetinin alimləri müəyyən ediblər ki, quşlar məməlilər və sürünənlərə nisbətən xərçəngdən daha az əziyyət çəkirlər.

Məlumatların təhlili bəzi nümunələri ortaya çıxarıb.

Alimlər quşların xüsusi maddələr mübadiləsi, sürətlənmiş hüceyrələrin bərpası və bədxassəli mutasiyaların qarşısının alınması kimi unikal müdafiə mexanizmlərini inkişaf etdirdiyini düşünürlər.

Bundan əlavə, məlum olub ki, ətyeyən heyvanlarda xərçəng riski otyeyənlərə nisbətən daha çoxdur. Elm adamları bunun mümkün səbəblərindən birinin qida zəncirində zərərli birləşmələrin toplanması olduğunu söyləyirlər.

Həmçinin qeyd olunub ki, ev heyvanları vəhşi qohumlarına nisbətən daha çox xərçəng xəstəliyindən əziyyət çəkirlər. Bu, genetik müxtəlifliyin azalması və təbii seçimin zəifləməsi ilə bağlı ola bilər.

Tədqiqatçılar hesab edirlər ki, heyvanlarda xərçəngdən qorunmanın təbii mexanizmlərinin öyrənilməsi insanlarda da xəstəliyin qarşısının alınması və müalicəsinin yeni üsullarının işlənib hazırlanmasına kömək edəcək.