Ömrünüzü qısaldan dörd amil | Depressiyaya səbəb olan məqamlar

“Sağlam rifah üçün yalnız düzgün qidalanma və idman kifayət deyil”. Psixiatr Cudit Cozef belə düşünür.

O, zehni sağlamlığın qorunması üçün sadə, lakin təsirli üsullar barədə məlumat verib.

Həkimin sözlərinə görə, sağlam qidalansanız belə, əgər ətrafınızda neqativ düşüncəli insanlar varsa, bu sizin rifahınıza mənfi təsir edə bilər.

Araşdırmalar sübut edir ki, sevgi dolu və sağlam münasibətlər uzunömürlülüyü artırır.

Bundan əlavə, yalnız işləmək kifayət deyil, etdiyiniz işdən zövq almaq da vacibdir. Əks halda, uzunmüddətli psixi gərginlik yaranır.

Cudit Cozefin fikrincə, insanlar emosional rahatlıq yaratmaq əvəzinə, yalnız simptomlarla mübarizə aparmağa fokuslanırlar ki, bu da zehni sağlamlığa mənfi təsir edir.

Texnologiyaya sərf olunan həddindən artıq vaxt, xüsusilə sosial şəbəkələr və onlayn iclaslar depressiya, tənhalıq və narahatlıq riskini artırır. Unutmayın ki, sağlam beyin sağlam həyat deməkdir.