Rusiyalı qastroenteroloqdan mühüm tövsiyələr

Həzm sisteminin normal fəaliyyəti birbaşa gündəlik həyat tərzi və vərdişlərimizlə bağlıdır. Bu səbəbdən bir çox hallarda orqanizmdə ciddi funksional pozğunluqlar meydana gəlir.

Rusiyalı qastroenteroloq Maksim Çulev bildirib ki, ayaqüstü və ya tələsik qidalanmaq orqanizmə zərər vurur. "Yemək tam çeynənmədikdə sonrakı həzm prosesi zəifləyir və müxtəlif narahatlıqlar yaradır", – deyə o qeyd edib.

Qızardılmış, çox yağlı və ultra emal olunmuş məhsullar və az maye qəbulu da mədənin gec boşalmasına yol açır, nəticədə ağırlıq hissi, köp və bağırsaq fəaliyyətində ləngimələr olur. Bağırsaqların hərəkətini zəiflədərək qəbizlik yaradır.

Çulevin fikrincə, sinir sistemi mədə-bağırsaq traktı ilə birbaşa əlaqəli olduğu üçün emosional gərginlik də spazmlara, ağrılara və həzm prosesinin pozulmasına gətirib çıxarır. Tütün məmulatları, alkoqol və həddindən artıq qəhvə istehlakı da ciddi fəsadlar törədir. Onlar mədənin selikli qişasını qıcıqlandıraraq iltihab proseslərinə təkan verir.

"Sağlam həzm üçün qidalanma rejiminə diqqət yetirmək, yeməyi tam çeynəmək, kifayət qədər su içmək və stresdən uzaq durmaq şərtdir. Hər hansı mənfi əlamət hiss olunduqda isə mütləq mütəxəssisə müraciət edilməlidir", – deyə Maksim Çulev fikrini tamamlayıb.