Sakinlər hər an ölə və susuz qala bilər: kəndi fəlakətlə üz-üzə qoyan ağaclar

Yevlax rayonunun Ərəbbəsrə kəndinin girişindəki qurumuş nəhəng qovaq ağacları sakinlər üçün təhlükə yaradır.

Belə ki, onlar küləkli havalarda qurumuş budaqların qırılaraq yolda hərəkətə mane olmasından, elektrik xətlərinə ziyan verməsindən şikayətlənirlər.

Sakinlərin sözlərinə görə, aidiyyəti qurumlara dəfələrlə müraciət etsələr də, problem həllini tapmayıb.

“Kəndi su ilə təmin edən çənimiz var. Qırılıb üstünə düşsə, susuz qalacağıq. Uşaqlar məktəbə gedib-gəlir, onların ütünə də düşə bilər”, – sakinlər narahatlıqlarını bildiriblər.