Cəmiyyət
Pleyeri seçin:
Sosial şəbəkələrdə dələduzluq: Vəfat etmiş azyaşlının fotosu ilə pul yığırlar
Sosial şəbəkələrdə və bəzi elan saytlarında bir neçə ay əvvəl vəfat edən azyaşlının fotolarından istifadə edərək dələduzluq olunur.
Belə ki, bu ilin iyununda 13 yaşında vəfat edən İmanlı Şakir Kənan oğlunun şəkilləri, müalicə alarkən analiz nəticələri və Kənanın ailəsinə aid olmayan kart hesabı paylaşılaraq yardım üçün pul yığılmağa başlanılıb.
Kənanın atası fırıldaqçıların əməlindən xəbərdar olduğunu, vəfat edən övladının adından pul yığılmasına görə narahatlıq keçirdiyini bildirib:
“Bu cür halların təkrarlanmaması, insanların hissləri ilə oynayıb haqsız yerə pulların yığılmaması üçün aidiyyəti orqanlardan tədbir görülməsini xahiş edirəm”.
Daxili İşlər Nazirliyinin mətbuat xidmətindən bildirilib ki, hazırda faktla bağlı araşdırma aparılır.
Kopyalandı
Seçilmişlər
