Uzunömürlülüyün sirri olan vitamin və qidalar | Alimlərin təəccübləndirən araşdırması

Sağlamlığın və uzunömürlülüyün əsas elementlərindən biri məhz D vitaminidir.

Vitamin D bir çox vacib funksiyaları yerinə yetirir. Bədənin sümüklərini gücləndirməyə kömək edən kalsiumu mənimsəməsinə yardım edir, immunitet sisteminin fəaliyyətini yaxşılaşdırır, iltihabı azaldır və tənəffüs yollarını infeksiyalardan qoruyur. D vitaminini günəş işığı, qida və ya əlavələr vasitəsilə əldə edə bilərsiniz.

Alimlər tərəfindən aparılan araşdırmalar D vitamini səviyyəsi ilə gözlənilən ömür uzunluğu arasında mühüm əlaqə olduğunu ortaya çıxarıb. Təcrübədə yaş, cins, bədən kütləsi indeksi, fiziki aktivlik, pis vərdişlər və xroniki xəstəliklərin olması kimi amillər nəzərə alınıb. Təcrübələrdən belə müəyyən olub ki, D vitamini normal səviyyədə olan insanlar vitamin çatışmazlığı olanlara nisbətən vaxtından əvvəl ölüm riskini 57% azaldır.

Alimlər D vitamini ilə zəngin olan qidaların siyahısını da tərtib ediblər:

1. Qırmızı ət və qaraciyər D vitamini ilə zəngindir və asanlıqla həzm olunur.

2. Yağlı balıqlar – ton balığı, qızılbalıq və sardina kimi növlər də bu vitaminlə olduqca zəngindir.

3. Dəniz məhsulları özündə əhəmiyyətli miqdarda D vitaminini ehtiva edir.

4. Yumurta sarısı D vitamininin sadə və əlverişli mənbəyidir.

5. Ağartı məhsullarından pendir, süd, qaymaq D vitamini ilə kifayət qədər zəngindir.