Aİİ ölkələrindən Rusiyaya ixracın dəhşətli statistikası açıqlandı | Kəskin artım

Rusiyanın Avrasiya İqtisadi İttifaqındakı tərəfdaşları – Qazaxıstan, Qırğızıstan və Ermənistan müharibənin davam etdiyi il yarım ərzində Avropa Birliyindən idxalı 5,8 milyard dollar artırıb.

Eyni zamanda Aİİ ölkələrindən Rusiyaya ixrac 6,3 milyard dollar artıb.

Bu barədə “The Moscow Times” məlumat yayıb.

“2021-ci ildə Aİİ ölkələrinin AB-dən idxalı təxminən 7,1 milyard dollar təşkil edib, 2023-cü ildə bu rəqəm 45 % artaraq 13 milyard dollara çatıb. Eyni zamanda sanksiyalar altında olan Belarus istisna olmaqla 2021-ci ildə Aİİ ölkələrinin Rusiyaya ixracı 2023-cü ildə təxminən 43 % artaraq 14,5 milyard dollar təşkil edib.

Faiz ifadəsində AB ölkələrindən Ermənistana idxal ən çox artıb. 2021-ci ildə təxminən 931 milyon dollar, 2023-cü ildə 1,8 milyard dollar dəyərində mal idxal edilib. Qazaxıstanın Avropadan idxalı müharibədən əvvəlki ildə 5,9 milyard dollara çatıb, keçən il bu rəqəm 42,2 % artaraq 10,3 milyard dollar təşkil edib.

Qırğızıstanın AB ölkələrindən idxalı 2021-ci ildə cəmi 295 milyon dollar təşkil edib, 2023-cü ildə isə 70 % artaraq 964 milyon dollara yaxın olub. 2021-ci ildə Ermənistandan Rusiyaya ixrac təxminən 840 milyon təşkil edib, 2023-cü ildə isə 76 % artaraq 3,5 milyard dollara çatıb.

Qazaxıstanın Rusiyaya tədarükü 2021-ci ildə 7 milyard dollar olub, 2023-cü ildə isə 31,2 % artaraq 10,2 milyard dollara çatıb. Qırğızıstanın Rusiyaya ixracı 2021-ci ildə təxminən 393 milyon dollar, 2023-cü ildə isə 52 % artaraq təxminən 823 milyon dollar təşkil edib”, – məlumatda deyilir.