Antarktidada görün nələr tapıldı | Alimlərdən açıqlama

Antarktidadakı buzlaqlarda ulduz partlayışlarından yaranan radioaktiv toz qalıqları aşkar olunub.

Yeni tədqiqatlar göstərir ki, bu kosmik hissəciklər Günəş sistemimizin keçmişini anlamaq üçün vacib ipucları verir.

Kainatın müxtəlif yerlərində, ulduzlararası məkanda qaz, toz və plazmadan ibarət nəhəng buludlara rast gəlmək mümkündür. Bu kosmik buludlar fəzada hərəkət edərkən özlərində müxtəlif maddələr toplayır və planetimiz həmin buludların daxilindən keçərkən bu maddələr bəzən Yer səthinə düşür.

Alimlər yeni araşdırma çərçivəsində bu maddənin tərkibində qədim supernovaların yan məhsulunu aşkar ediblər.

Məlumata görə, tədqiqat qrupu yaşı 40 minlə 80 min il arasında dəyişən 300 kiloqramdan çox Antarktida buzu nümunəsini analiz edib.

Alimlərin fikrincə, məhz bu dövrdə kosmik fəzaya maddə atan və sonradan buludda cəmləşən supernova partlayışı baş verib. Buzun əridilməsi və kimyəvi emalından sonra ionları sürətləndirərək izotopları ayırmağa imkan verən sürətləndirici kütlə spektrometriyası metodunun köməyi ilə mütəxəssislər nümunələrdəki həmin izotopun ayrı-ayrı atomlarını tədqiq edib saya biliblər.