Bu ada beynəlxalq dəniz xəritələrinə və məlumat bazarına əlavə olunacaq

Almaniyanın Alfred Vegener İnstitutunun ekspedisiya qrupu Antarktidanın Ueddell dənizində əvvəllər məlum olmayan bir adanı təsadüfən aşkar edib.

Cəmi 130 metr uzunluğunda olan bu ada heç bir dəniz xəritəsində yoxdur və indi ona ad verilməlidir.

İnstitutun məlumatına görə, tədqiqatçılar fevral ayının əvvəlindən bəri “Polyarştern” buzqıran gəmisində ərazidə səyahət edirlər. Sərt hava şəraiti səbəbindən tədqiqat işi adanın şimal tərəfində sığınacaq tapmaq üçün məcburən dayandırılıb.

“Qəfildən “bir az çirkli görünən” bir “buzlaq” peyda oldu”, – deyə İnstitutun alimi Dreutter bildirib.

Daha yaxından baxıldıqda onun təxminən 130 metr uzunluğunda, 50 metr enində və 16 metr hündürlüyündə bir ada olduğu məlum olub. Dəniz xəritəsində o, yalnız kəşf edilməmiş təhlükəli zona kimi qeyd olunub və faktiki yerindən bir dəniz mili məsafədə yerləşirdi.

Ada sistematik şəkildə tədqiq edilib, dron cihazı vasitəsilə qeydə alınıb. Adanın hələ ki, adı yoxdur. Bunun üçün planlaşdırılmış prosedur başa çatdırılmalıdır. Ada həmçinin beynəlxalq dəniz xəritələrinə və digər vacib məlumat bazalarına əlavə olunacaq.