Pleyeri seçin:
Dəniz buzunun səviyyəsi qismən bərpa olundu
Xəbərlərimizi Google-da izləyin
Yeniliklərdən dərhal xəbərdar olun
Antarktidada dəniz buzunun sahəsi 2026-cı ildə bir neçə illik kəskin azalmadan sonra qismən bərpa olunub və uzunmüddətli orta səviyyəyə yaxınlaşıb.
Bu barədə Kolorado Universitetinin Milli Qar və Buz Məlumat Mərkəzinin alimləri məlumat veriblər.
Tədqiqatçıların sözlərinə görə, fevralın 26-da Antarktidada dəniz buzunun sahəsi mövsümi minimumuna – təxminən 2,58 milyon kvadrat kilometrə çatıb. Bu rəqəm hər il alimlər tərəfindən yayın sonunda Cənub yarımkürəsində qeydə alınır.
Qismən bərpa olunmasına baxmayaraq, mövcud səviyyə uzunmüddətli normadan aşağı olaraq qalır. Bu, 1981-2010-cu illər üçün orta səviyyədən təxminən 260 min kvadrat kilometr aşağıdır.
Eyni zamanda dəniz buzunun sahəsi 2023-cü ilin fevral ayında qeydə alınan rekord minimumu xeyli üstələyir. Həmin minimumla müqayisədə mövcud səviyyə təxminən 730 000 kvadrat kilometr çoxdur.
Alimlər mövsümi minimum məlumatların hələ də ilkin olduğunu vurğulayırlar. Buzun daha da əriməsi və ya külək şəraitində dəyişikliklər son dəyərlərə təsir göstərə bilər.
Kopyalandı
#Antarktida teqi istifadə olunub
Seçilmişlər
