Dünya nəfəs kəsən kəskin istilər ilə üz-üzə

İqlim dəyişikliyi bütün dünyada həddindən artıq isti dalğalarının yaranmasında böyük rol oynayıb.

Anormal hava dəyişikliklərinin səbəbini “Reuters” agentliyi “World Weather Attribution”ın alimlərinin açıqlamalarına istinadən bildirir.

Belə ki, temperatur rekordları Çində, ABŞ-də və Avropanın cənubunda qeydə alınıb. İstilər bəzi ölkələrdə meşə yanğınlarına səbəb olub.

Alimlər belə qənaətə gəliblər ki, iqlim dəyişikliyinin təsiri olmasa, bu cür təbii anomaliyalar olduqca nadir hallarda baş verərdi.

Mütəxəssislər problemin həlli üçün mümkün qədər qalıq yanacaqlardan uzaqlaşmağın vacibliyini vurğulayıblar.

Bundan əvvəl Yunanıstanın Baş naziri Kiriakos Mitsotakis Aralıq dənizini qlobal iqlim dəyişikliyi problemi üçün qaynar nöqtə adlandırıb.

Proqnozlara görə, bu mövsüm aralıq dənizi hövzəsi ölkələrinin bəzi ərazilərində havanın temperaturu 46 dərəcəyə qədər yüksələ bilər.