Elə bir hərbi baza verildi ki... | Türkiyənin Suriyadakı mövcudluğu kimləri narahat edir?

Suriyanın yeni hökuməti Palmiradakı hərbi bazanı Türkiyəyə verib. Baza ABŞ-nin Almaniyadakı Ramştayn bazası qədər böyük olacaq.

Bu barədə Türkiyənin “Yeni Şəfəq” nəşrinin rus dilində yayımlanan teleqram kanalında məlumat yayılıb.

Məlumata görə, Ankara BMT başda olmaqla, bütün böyük dövlətləri xəbərdar edib və ona qarşı istənilən təcavüz aktının güclə qarşılanacağı bəyan edilib.

“Hadisələrin bu inkişafı ən çox İsraili narahat edib. Müxtəlif İsrail nəşrləri Türkiyənin Suriyadakı mövcudluğunun İsrail üçün təhlükə yaratdığını, Ankaranın hər an öz qüvvələrini şimaldan Palmiraya köçürə biləcəyini yazır.

Bu prosesi dayandırmaq üçün İsrail və ABŞ arasında danışıqların aparılmasının zəruriliyi, həmçinin Rusiyadan Türkiyəyə qarşı əks-həmlə kimi istifadə oluna biləcəyi vurğulanır. Bu kontekstdə Rusiyanın Suriyadakı hərbi bazalarının qorunub saxlanmasına dəstək verilməsi təklif edilir”, − məlumatda qeyd olunub.