Ermənistanda iş adamının yoldaşı elə vəziyyətdə aşkarlandı ki... | Dəhşətli cinayətin təfərrüatı

Amerikalı iş adamının Ermənistanda oğurlanan 55 yaşlı həyat yoldaşı Tavuş vilayətindəki kilsəyə əlavə tikilidə çarpayıya bağlanmış halda aşkarlanıb.

Bu barədə Ermənistanın İstintaq Komitəsinin Mətbuat Xidməti məlumat yayıb.

Qeyd edək ki, sentyabrın 4-də İrəvan ətrafında yerləşən San-Marko hovuz kompleksində Ermənistan və ABŞ vətəndaşı oğurlanıb. Hadisəni törədənlər özlərini Milli Təhlükəsizlik Xidmətinin əməkdaşları kimi təqdim ediblər.

Məlumatda bildirilib ki, həmin şəxslərin oğurlanması beş nəfərdən ibarət qrup tərəfindən iyun ayından planlaşdırılıb. Sentyabrın 5-də Gürcüstana gedən cinayətkarlardan biri ABŞ-də olan iş adamı ilə əlaqə yaradaraq yoldaşını sərbəst buraxmaq qarşılığında 4 milyon ABŞ dolları məbləğində kriptovalyuta tələb edib.

Belə ki, oğurlanan qadın sentyabrın 8-də polis tərəfindən aşkar edilib, cinayətkar dəstənin 5 üzvündən 4-ü saxlanılıb. Daha bir cinayətkarın axtarışları davam edir.