Əsəddən sonra onlar da hərəkətə keçdi | Ən çox təşvişə düşən lider isə…

Misir, İordaniya, Səudiyyə Ərəbistanı və Birləşmiş Ərəb Əmirlikləri hökumətləri Suriya Prezidenti Bəşər Əsədin devrilməsi ilə əlaqədar ölkələrində mümkün iğtişaşlardan narahatdırlar.

Bu barədə “The Washington Post” yazıb.

Qəzetin həmsöhbətləri Suriyanın gələcəyi ilə bağlı qorxularını ifadə edərək, ölkənin xaosa qərq ola biləcəyini vurğulayıblar.

Eyni zamanda qəzetin qeyd etdiyi kimi, Bəşər Əsədin istefasından sonra ərəb dövlətləri ictimai bəyanatlarda ehtiyatlı davranır və suriyalıları dövlət institutlarını qorumaqla hakimiyyətin inklüziv keçidini təmin etməyə çağırırlar.

“The Washington Post” yazır ki, Misirdə mümkün iğtişaşlar qorxusu xüsusilə böyükdür. Əvvəllər Prezident Əbdülfəttah Sisi “Müsəlman Qardaşları” hərəkatını məhv etmək üçün genişmiqyaslı repressiyalar həyata keçirib. Bununla belə, bölgədə əhalinin bir hissəsi hələ də hərəkata sözsüz simpatiya ilə yanaşır.