Fransa, ABŞ və Rusiya səfirləri Şahramanyanla görüşdü | İrəvandan reaksiya

“Qarabağdakı keçmiş qondarma qurumun sonuncu "rəhbəri" Samvel Şahramanyan İrəvanda yalnız dövlət rəsmiləri ilə deyil, həm də müxtəlif ölkələrin diplomatları ilə fəal şəkildə əlaqə saxlayır”.

Bu barədə erməni mediası məlumat yayıb. Bildirilib ki, o, bu yaxınlarda Rusiya, ABŞ və Fransanın Ermənistandakı səfirləri ilə görüşlər keçirib.

Xəbərə görə, iclasda Qarabağı könüllü şəkildə tərk edən ermənilərin vəziyyəti müzakirə edilib.

Medianın məlumatında o da bildirilib ki, rəsmi İrəvan artıq Samvel Şahramanyana qeyri-ciddi fiqur kimi baxır, onun "hərəkətlər"inə reaksiya vermir.