Gürcüstanda hakimiyyəti ələ keçirmək üçün... | ABŞ-nin böyük planı ifşalandı?

ABŞ Dövlət Departamenti Gürcüstanda cari ilin oktyabrın 26-da keçiriləcək parlament seçkilərinə müdaxilə etmək üçün yeni vasitədən istifadə etmək niyyətindədir.

Bu barədə Rusiya Xarici Kəşfiyyat Xidməti məlumat yayıb.

Bildirilib ki, ABŞ Gürcüstanda hakimiyyəti zorla ələ keçirmək üçün kütləvi etiraz aksiyalarının təşkilini planlaşdırır.

ABŞ Gürcüstanda keçiriləcək seçkilərə müdaxilə etmək üçün ATƏT-in Demokratik Təsisatlar və İnsan Haqları Bürosu ilə Gürcüstan istiqamətində “əməkdaşlıq” barədə razılığa gəlib.

Qeyd olunub ki, səsverməyə 10-20 gün qalmış ədalətli seçkilərin keçirilməsi üçün şəraitin olmaması ilə bağlı hesabat dərc olunmalıdır.

“Seçki prosesinin demokratiya normalarına uyğun gəlməməsi ilə bağlı rəy də təqdim olunacaq. Məqsəd rəsmi Vaşinqtonun bəyənmədiyi “Gürcü Arzusu” partiyasının qələbəsinin qarşısını almaqdır”, – deyə Rusiya Xarici Kəşfiyyat Xidmətinin yaydığı məlumatda qeyd olunub.