İqlim dəyişikliyi avropalıları dəhşətə gətirdi | Alimlərdən xəbərdarlıq

İyul ayında Skandinaviyada isti dalğası iqlim böhranı ilə daha da şiddətlənib. Alimlərin fikrincə, heç bir ölkə iqlim dəyişikliyindən sığortalanmayıb.

"The Guardian" nəşri xatırladıb ki, Norveç, İsveç və Finlandiyanın tarixən sərin iqlimi olub. Bununla belə, bu ölkələr temperaturun kəskin artmasından əziyyət çəkir.

Finlandiyada 22 gün ərzində temperatur 30 dərəcədən yuxarı olub. İsveç 10 gün ardıcıl olaraq temperaturun 20 dərəcədən aşağı düşmədiyi "tropik gecələr" yaşayıb.

Alimlər bildiriblər ki, qlobal istiləşmə istilik dalğalarının ehtimalını ən azı 10 dəfə, temperaturun isə 2 dərəcə yüksəlməsinə səbəb olub.

Qəzet qeyd edib ki, açıq havada üzənlərin sayının artması səbəbindən ən azı 60 nəfər boğulub, dənizlərdə və göllərdə zəhərli yosunlar çoxalıb.

İstilər Skandinaviya yarımadasının şimal marallarına da təsir edib. Bəzi heyvanlar istidən ölür, bəziləri isə sərin yerlər axtararaq şəhərlərə qaçırlar.

Bundan başqa, meşələrdə yüzlərlə yanğın baş verir və bayram tədbirləri zamanı insanlar huşunu itirirlər.

Alimlər əmindirlər ki, iqlim böhranı bu ekstremal hava şəraitini daha da kəskinləşdirib.