Kaledoniya Birliyinin sədri Makrona açıq məktub göndərib

Kaledoniya Birliyinin sədri, Daniel Goa Fransa Prezidenti Emmanuel Makron və nazirlərinə açıq məktub yazıb. 10 səhifəlik məktubda o qeyd edib ki, Fransa 1853-cü ildən Yeni Kaledoniyada hökmranlıq edir.

Birlik sədri vurğulaylb ki, Fransa hökuməti tərəfindən buraya məqsədli şəkildə köçürülən insanlar onları xalq kimi tanımırlar: "Sizin üçün demokratiya seçki hüququdur, bizim üçün isə demokratiya ənənəvi qəbilə dəyərlərinə hörmət edilməsidir. Fransa bizim üçün nümunə götürüləcək mənbə deyil. Sizin siyasətiniz bizim məhvimizə hesablanıb. Amma siz bizi məhv edə bilməyəcəksiniz. Vaxt gələcək biz sizin qarşınızda olacağıq".

O vurğulayıb ki, Fransa Kaledoniyanın təbii sərvətlərini talan edib, baha qiymətə satır.

Daniel Goa həmçinin bildirib ki, rəsmi Paris Kaledoniya ərazilərinin dekolonizasiya olunmasına dair 1957-ci ildə imzalanan sənəddə götürdüyü öhdəliklərə əməl etməlidir: Daniel Goa məktubunun sonunda Fransa qarşısında bir sıra tələblər irəli sürüb: "Ləyaqətimizi özümüzə qaytarın. Çünki bu sizin fəxr etdiyiniz insan hüquqlarının tələbidir. Bizə azadlığımızı qaytarın. Çünki bu insanlığın tələbidir. Bizi dekolonizasiya edin. Çünki bu tarixi ədalətin bərpa edilməsidir".