Pentaqon yenilənmiş müüqavilə barədə açıqlama yaydı

ABŞ Müharibə Nazirliyi "Raytheon" şirkəti ilə yenilənmiş müqavilə çərçivəsində alınacaq "Tomahawk" qanadlı raketlərinin sayını 350 ədədə qədər artırıb.

Bu, Pentaqonun açıqladığı rəqəmlərdə əksini tapıb.

Tədarüklər 2028-ci ilin sonuna qədər tamamlanacaq. Raketlər ABŞ Hərbi Dəniz Qüvvələrinə, Dəniz Piyada Korpusuna, Quru Qoşunlarına, həmçinin Xarici Hərbi Satışlar proqramı çərçivəsində adı açıqlanmayan iki xarici müştəriyə veriləcək. Əvvəlcə cəmi 131 raketin istehsalı nəzərdə tutulurdu. Yenilənmiş müqavilənin dəyəri 785,2 milyon ABŞ dolları təşkil edir.

ABŞ Hərbi Dəniz Qüvvələri, Ordu və Dəniz Piyadaları Korpusu, həmçinin raketlərin istehsalı üçün 500 milyon dollar ayıran iki xarici sifarişçi üçün tədarüklər 2029-cu ilin yanvarında başa çatdırılmalıdır.

Qeyd edək ki, "Raytheon" "Tomahawk" raketlərini yeni "Block V" variantında istehsal edəcək. Bu versiya təkmilləşdirilmiş naviqasiya və rabitə sistemi ilə təchiz olunacaq. Raket 1,6 min kilometr uçuş məsafəsinə malik olacaq.