Vahiməli hadisə | Sovet əsgərlərinin axırına çıxan görün nə imiş

ABŞ Mərkəzi Kəşfiyyat İdarəsi Sovet əsgərlərinin uçan naməlum obyekt ilə qarşılaşdıqdan sonra həlak olduqlarını iddia edən bir hesabat yayıb. Əvvəllər məxfi olan bu sənəd qurumun rəsmi saytında dərc edilib.

Qeyd olunur ki, MKİ Sovet İttifaqının dağılmasından sonra 1991-ci ildə Dövlət Təhlükəsizliyi Komitəsinin (KQB) arxivindən çoxlu material əldə edib.

Bu materiallar arasında Sibirdə hərbi hissəyə UNO hücumu ilə bağlı 250 səhifəlik bir qovluq da olub. İddiaya görə, bu qovluqda yalnız sənədli fotoşəkillər və eskizlər deyil, həm də hadisə şahidlərinin ifadələri yer alıb.

Materiallara görə, 1989-1990-cı illərdə hərbi hissənin üzərində boşqab formasında UNO peyda olub. Yer-hava raketi ilə vurulan obyekt bazadan uzaq olmayan bir yerə düşüb və içindən "böyük başlı və böyük qaragözlü" beş kiçik humanoid çıxıb.

Hadisədən sağ çıxmış iki əsgərin ifadəsinə görə, bu məxluqlar yaxınlaşıb "tək oval formalı obyekt formasında birləşiblər". Bu obyekt fit çalmağa və parlaq ağ işıq saçmağa başlayıb. Bir neçə saniyə sonra daha da parlayaraq alovlanıb. Bu anda hadisəni izləyən 23 əsgər daş sütunlara çevrilib.

Qeyd edək ki, Sibirdə baş vermiş bu hadisə ilə bağlı əvvəllər heç bir rəsmi açıqlama verilməyib.