Yeni Kaledoniyada naməlum şəxslər yolları bağladı

Fransa Milli Assambleyasına keçirilən seçkilərin birinci turu Yeni Kaledoniyada uğursuz olub.

Belə ki, Uailou kommunasında seçki məntəqələrində pozuntu qeydə alınıb.

Məlumata görə, naməlum şəxslər şəhər meriyasının girişini avtomobillə bağlayıb və maşını yandırıblar. Bildirilib ki, etirazçılar avtomobili məhz seçki məntəqəsinin önündə yandırmaqla həmin ərazidə səs verməyə gələn seçicilərə mane olmaq istəyiblər.

Yanan avtomobillə yanaşı, naməlum şəxslər girişdə ağır beton blok və ağacdan baryerlər qoyublar. Nəticədə nə seçicilər, nə də kommunanın meri binaya daxil ola bilməyib, seçki qutuları da quraşdırılmayıb və səsvermə pozulub.