Abşeronda təhlükə dolu anlar yaşandı | FHN təcili hərəkətə keçdi

Abşeron rayonu, Qobu və Masazır qəsəbələrində silah-sursat aşkarlanıb.

Bu barədə Fövqəladə Hallar Nazirliyinin mətbuat xidmətindən məlumat verilib.

Bildirilib ki, “112” qaynar telefon xəttinə Abşeron rayonu, Qobu və Masazır qəsəbələrində silah-sursat aşkar edilməsi barədə məlumatlar daxil olub. Məlumatlarla əlaqədar dərhal FHN-in Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.

“Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra çevik qrup tərəfindən ümumilikdə döyüş tətbiqinə yararlı 8 ədəd “F-1” əl qumbarası, 10 ədəd “RQD-5” əl qumbarası, 18 ədəd UZRQM partladıcısı, 7 ədəd 7.62x55 millimetrlik mərmi, 2 ədəd 9x18 millimetrlik mərmi, 1 ədəd “Makarov” və 1 ədəd “Tokarev” markalı tapança götürülərək kənarlaşdırılıb.

Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib”, – məlumatda qeyd edilib.