Hadisə
Pleyeri seçin:
Güclü külək Goranboy və Yevlaxda fəsadlar törətdi | "Azərişıq"dan açıqlama
Bir neçə gündür ölkə ərazisində hökm sürən qeyri-sabit, küləkli hava şəraiti bəzi rayonlarda elektrik enerjisinin verilməsində fasilələr yaradıb.
Məsələ ilə bağlı “Azərişıq”ın sözçüsü Vaqif Mustafayev bildirib ki, axşam saatlarında baş verən qasırğa bir neçə rayonda irigövdəli ağacların aşmasına səbəb olub:
“Nəticədə elektrik xətlərində qəzalar baş verib. Axşam saatlarından etibarən qəza xidmətlərimiz hadisə baş verən zonalara cəlb olunub, əraziyə əlavə texnika göndərilib. Görülən işlər nəticəsində belə qəza hallarının böyük əksəriyyəti aradan qaldırılıb. Hazırda Goranboy və Yevlaxın bəzi kəndlərində işlər davam etdirilir”.
Qurum rəsmisi onu da bildirib ki, Yevlaxın Qaramanlı, Dəlləklər, Hacımahmudlu, Nəmərli, Nurallar, Göyük kəndində və Goranboyun bir neçə kəndində elektrik enerjisinin bərpası yaxın saatlarda öz həllini tapacaq.
Kopyalandı
Seçilmişlər
