Bakıxanovda təhlükə yaradan ağac niyə hələ də götürülməyib? | Sakinlər şikayətçidir - Baku TV

Bakıxanov qəsəbəsi, Muxtar Fətəliyev küçəsi, 78 ünvanında yaşayan sakinlər ərazidəki tamamilə qurumuş iri ağacın güclü külək zamanı aşma təhlükəsi yaratmasından narahatdırlar.

Onlar məsələ ilə bağlı narazılıqlarını Baku TV ilə bölüşüblər.

“Keçən dəfə burada bir ağac kökündən qoparaq evin üzərinə aşdı. Bu ağac isə ondan da böyükdür. Əgər bu da aşsa, faciə baş verə bilər. Hər kəs övladına, ailəsinə görə narahatdır. Qorxumuzdan evdə otura bilmirik”, – sakinlərdən biri söyləyib.

Digər bir vətəndaş isə qeyd edib:

“Uşaqlar həyətdə oynaya bilmir, gecələr qorxudan rahat yata bilmirik. Bütün qonşular təşviş içindədir. Məsələ ilə bağlı dəfələrlə aidiyyəti qurumlara müraciət olunsa da, gəlib maraqlanan olmayıb”.