İtkin düşən balıqçının nəşi İran tərəfindən Azərbaycana təhvil verildi - Baku TV

Xəzərin İran sahilində meyiti tapılan balıqçı, 1997-ci il təvəllüdlü Turan Həsənovun nəşi Azərbaycana təhvil verilib.

Mərhumun atası Eyvaz Həsənov bildirib ki, övladının meyitini Xarici İşlər Nazirliyinin köməkliyi ilə geri ala bilib:

“Deyirdilər ki, guya bizim tərəfdən şikayət olunub ki, övladım sağ-salamat oraya çıxıb və İranda öldürülüb. Lakin mən və həyat yoldaşım təsdiq etdik ki, iki əmioğlu balıq ovuna gediblər və bizim ərazilərdə itkin düşüblər.

Mən notarial qaydada təsdiq etdim ki, İran dövlətindən şikayətim yoxdur. Təsdiq olunan sənədləri oraya göndərdim. Meyiti zülmlə verdilər. Xarici İşlər Nazirliyinin köməyi olmadan uşağı onlardan ala bilməzdim”.