ABŞ ilə danışıqlar aparmaq mümkün deyil | İsmayıl Bəqai - Baku TV

“İran ölkənin mərkəzi hissəsinə 10-a yaxın ballistik raket ataraq müharibə başlayandan bəri İsrailə qarşı ən böyük raket hücumlarından birini həyata keçirib”.

Bu barədə İsrail Müdafiə Ordusunun mətbuat xidməti bəyanat yayıb.

Xilasetmə xidmətlərinin açıqlamasına görə, bir sıra ərazilərə raket qalıqlarının düşməsi barədə məlumatlar daxil olub. Dağıntılar və zərərçəkənlər barədə informasiya verilmir.

“İran cəmiyyəti ABŞ diplomatiyasına inamsızlıq fonunda ABŞ ilə danışıqların aparılması imkanını müzakirə etməyə hazır deyil”. İran Xarici İşlər Nazirliyinin rəsmi nümayəndəsi İsmail Bəqai belə deyib.

“Çünki İran cəmiyyəti iyun və fevral aylarında ABŞ ilə keçirilən hər iki danışıqların nə ilə başa çatdığını bilir. Buna görə də dünyada heç kim artıq ABŞ diplomatiyasına etibar edə bilməz. Onlar diplomatiya və danışıqlardan yalnız öz iradələrini yeritmək və ya güc tətbiq etmək üçün müqəddimə kimi istifadə edirlər”, – deyə Bəqai əlavə edib.

Bu arada, “Axios” portalının müxbiri Barak Ravid maraqlı iddia ilə çıxış edib. Onun fikrincə, ABŞ və İran Hörmüz boğazının açılması müqabilində atəşkəs barədə danışıqlar aparır. Jurnalistin sözlərinə görə, razılaşmanın əldə olunub-olunmayacağı hələ ki aydın deyil.