ABŞ-İran müharibəsi bitir? | Tehrana 15 maddəlik plan - Baku TV

"ABŞ-nin İrana qarşı hərbi əməliyyatı yekun mərhələyə daxil olur".

Bunu ABŞ Prezidenti Donald Tramp "NBC" telekanalına verdiyi müsahibədə bildirib.

"Bizdə hər şey yaxşı gedir. Bu hərbi əməliyyat sona yaxınlaşır", – deyə Tramp qeyd edib.

O həmçinin ABŞ-nin Yaxın Şərq münaqişəsinə son qoymaq üçün İran hakimiyyətinə 15 maddəlik plan göndərdiyini bildirib.

Bu arada, ABŞ Yaxın Şərqdə hərbi mövcudluğunu gücləndirir. Məlumata görə, "USS George H. W. Bush" aviadaşıyıcısı regiona göndərilir və bununla da bölgədə eyni vaxtda üç ABŞ aviadaşıyıcısından ibarət qruplaşma formalaşacaq.

Gəmi Virciniya ştatındakı Norfolk hərbi-dəniz bazasından yola düşüb və Ərəb dənizində fəaliyyət göstərən "USS Abraham Lincoln" zərbə qrupu ilə birləşəcək. Eyni zamanda "USS Gerald R. Ford" aviadaşıyıcısı da bölgə ilə bağlı əməliyyat planlarında yer alır.