Aİ ABŞ və İsrailin İrana qarşı hərbi əməliyyatları nəticəsində nə qədər itirib? - Baku TV

Avropa İttifaqı ABŞ və İsrailin İrana qarşı hərbi əməliyyatları nəticəsində enerji resurslarının qiymətlərinin artması səbəbi ilə 25 milyard avro itki ilə üzləşib.

Bu açıqlamanı Avropa Komissiyasının Prezidenti Ursula Fon der Lyayen Kiprdə keçirilən Avropa İttifaqının qeyri-rəsmi sammitinin yekunlarına dair mətbuat konfransında bildirib.

Avropa Komissiyasının rəhbəri Avropa İttifaqının ciddi iqtisadi itkilərini Yaxın Şərqdə qarşıdurmanın əsas ticarət marşrutlarına və regiona enerji tədarükünə təsiri ilə əlaqələndirib.

“Münaqişənin başlamasından ötən 54 gün ərzində karbohidrogen resurslarının alınmasına çəkdiyimiz xərclər 25 milyard avro artıb, halbuki biz əvvəlkindən bir molekul belə artıq almamışıq. Buna görə də alternativ enerji mənbələrinin tətbiqini sürətləndirməliyik”, – deyə o qeyd edib.